По неколкумесечните обиди за конституирање на косовскиот парламент, конечно стапи на сила забраната од уставниот суд за какво било дејствување на пратениците, до 8 август, пишуваат косовските медиуми.
Европската Унија одобри втор пакет помош од 15 милиони евра за поддршка на Албанските вооружени сили, во рамките на Европскиот мировен фонд, јавуваат албанските медиуми
КОСОВО
Ора инфо: Стапи на сила забраната на Уставниот суд за делување на пратениците, ќе трае до 8 август
Вчера стапи на сила одлуката на Уставниот суд, со која се забранува каква било акција на пратениците до 8 август.
По оваа седница следеа неколку обиди за говори од страна на ПДК и ЛДК, по што следуваше бучава од пратениците на ЛВВ кои зборуваа од своите места.
Дехари, како и секоја седница, технички ја водеше седницата според партиските упатства, што доведе до неуспех на уставот, пишува Ора инфо.
Зери: Тројца обвинети осудени на вкупно 12 години затвор за нападот врз Централната изборна комисија на север
Основниот суд во Приштина ги прогласи Милун Миленковиќ – Луне и Александар Влајиќ за виновни на по пет години затвор, додека Дејан Пантиќ беше осуден на две години затвор за нападот врз канцелариите на Општинската изборна комисија во Северна Митровица во декември 2022 година.
Миомир Вакиќ беше ослободен од обвиненијата, бидејќи не беше докажано дека сторил кривично дело.
Косовското обвинителство поднесе обвинение во декември 2023 година за кривично дело „Терористички чин“.
Тие беа обвинети за напад врз канцелариите на ЦИК со рачни гранати и експлозивни направи, со цел – како што е наведено во обвинението – „дестабилизирање или уништување на политичките и уставните структури на Република Косово“. Според Обвинителството, животите на службениците на ЦИК и припадниците на косовската полиција биле сериозно загрозени од овој напад, пренесе Зери.
АЛБАНИЈА
Ора њуз: ЕУ обезбеди 15 милиони евра за албанските вооружени сили
Европската Унија одобри втор пакет помош од 15 милиони евра за поддршка на Албанските вооружени сили, во рамките на Европскиот мировен фонд.
Веста ја објави Советот на ЕУ на 25 јули, а ја поздрави и амбасадорот на ЕУ во Тирана, Силвио Гонзато,пренесе Ора њуз.
Тема: „Провокација на Мицкоски во Пустец? „Се обидоа да нè негираат. Ние не сме ниту Грци, ниту Срби, ниту Бугари!“
Премиерот на Северна Македонија, Христијан Мицкоски, при вчерашната посета во Пустец, за време на учеството на фолклорен фестивал на македонски групи во регионот, изјави дека се прават напори да се скрие идентитетот на Македонците.
Мицкоски изјави дека жителите на Пустец не се ниту Грци, ниту Срби, ниту Бугари, туку Македонци од Албанија.
„Денес, кога стојам пред вас, не зборувам само како премиер, туку зборувам како човек кој верува дека една нација се состои токму од ова, од врската меѓу луѓето што ги чувствувам како мои, без оглед каде живееме.
Дури и кога сме блиску, дури и кога сме далеку, без разлика дали сме во татковината или во странство, чувството, идентитетот, припадноста, сè станува едно. Вашето место во оваа историја е посебно, не само затоа што географски сме во различни земји, туку затоа што сте длабоко во срцето на нашата татковина.“, рече меѓу другото Мицкоски, пренесе Тема.
КОЛУМНА
Коха: „Лошата“ судбина на Косово зависи од „добрата волја“ на своите политичари
„Би било убаво кога Косово воопшто не би можело да зависи од меѓународната заедница, но фактот е дека сè уште многу зависи од неа. Уште полошо за Косово е кога мора да зависи од „добрата волја“ на своите политичари. Бидејќи тие докажаа дека воопшто немаат добра волја. Да ја имаа, немаше да ја доведат земјата во таква состојба каква што е денес.“, пишува Авторот Аугустин Палокај, во колумната „Лошата“ судбина на Косово зависи од „добрата волја“ на своите политичари, објавена во косовскиот дневен весник Коха.
Подготви: Д. Тахири / Цивил Медиа
