Новинарот и добар познавач на состојбите во Формула 1, Крис Медланд даде информации за напредокот на разговорите на Мерцедес-Бенц со возачот Џорџ Расел за нов договор.
– Имам чувство дека разговорите одат добро. Изгледа дека Расел ќе се согласи на нов договор со Мерцедес на крајот од оваа сезона. Веројатно ќе биде долгорочен договор што ќе ја покаже довербата на тимот во Расел и ќе ја обезбеди неговата иднина со нив. Не сум запознаен со никакви клаузули за отпуштање, но Расел се чини задоволен од тоа. Имаше мал напредок неколку недели, но штом стигнавме до паузата, работите се променија. Изгледа дека Расел е блиску до потпишување на нов повеќегодишен договор со Мерцедес. Не можам да кажам кога ќе биде објавено официјално соопштение. Разбирам дека деталите сè уште се средуваат, но процесот се движи кон завршување. Ова е најохрабрувачката вест за ова прашање од почетокот на сезоната, со оглед на тоа што имавме и одредена неизвесност во врска со интересот за Макс Верстапен, изјави Медланд за подкастот „Пит Стоп“.
Расел во Формула 1 дебитираше во 2019 година на Големата награда на Австралија возејќи за Вилијамс. За Мерцедес првиот свој настап го имаше во 2020 година.
