Бујар Османи остро реагираше на новиот бран лажни обвинувања дека ДУИ наводно има некаква коалиција со Левица, оценувајќи ги ваквите конструкции како очајнички обиди на ВЛЕН да го ублажи ударот од претстојниот изборен пораз, стои во соопштението на кандидатот на ДУИ за гадоначалник на Чаие, што МИА го пренесува интегрално.
„ВЛЕН започнуваат да ја подготвуваат одбраната за евентуален пораз. Тоа е нивната способност и тоа е нивната цел,“ изјави кандидатот за градоначалник на Чаир, Бујар Османи. „Спротивно на овие клевети, тие сакаат да имаат капацитет потоа, по ноември, да им објаснат на нивните луѓе, на јавноста, зошто резултатот е таков каков што е. Нема друго да биде,“ рече Османи.
ДУИ и нејзините партнери настапуваат обединето преку Националната алијанса за интеграција, најголемото албанско политичко здружување во последните 20 години. Оваа коалиција, според Османи, ја претставува волјата на огромното мнозинство од Албанците во земјава:
„Ние имаме сојуз, Националната Алијанса за Интеграција, најголемото обединување во последните 20 години. Најголемите политички партии, кои само на изборите во последните години заедно собраа околу 80-90% од албанскиот гласовен корпус. И тоа не се случи случајно, тоа е направено затоа што луѓето сфатија дека претстојните избори на 19 октомври се референдум,“ рече Османи.
Во фокусот на овие избори, според Османи, не е само избор на личности туку судир меѓу два концепта – достоинството на Албанците наспроти нивната подреденост.
„19 октомври е вториот 13 август, каде што луѓето ќе одлучат помеѓу два концепта, не само помеѓу поединци: дали ќе продолжиме да бидеме господари на својот дом или ќе бидеме слуги, на кои им се диктираат политиките од други,“ рече тој.
Тој ги вели дека гласачите на ВМРО-ДПМНЕ не би поддржале кандидати на ВЛЕН, велејќи дека тоа ја навредува политичката зрелост на граѓаните, особено на македонските гласачи.
„Жал ми е што се зборува на секоја маса од политичките опоненти: ‘нема да имате грижa, ние од ВМРО ќе бидеме поддршка’. Прво, тоа не е политика која ги чини достојни. Јас секој ден сум во комуникација со македонските граѓани, бидејќи одам од врата до врата. И тие бараат решенија токму за овие теми за кои зборував денес нечистотијата, дивите градби и корупцијата. Тие велат дека нивната рака никогаш нема да гласа за луѓето кои ја уништија општината,“ рече Османи.
На крајот, Османи најави дека ДУИ ќе остане на патот на позитивна и програмска кампања:
„Ние ќе продолжиме повторно да кажуваме решенија, ќе продолжиме кампањата да ја водиме како натпревар на идеи, не како обвинувања и невистинити клевети. Граѓаните ќе одлучат и ќе проценат кој како работел и на кого му веруваат повеќе“.
