Руските напади убија најмалку пет цивили и повредија најмалку седум во текот на изминатиот ден, објавија регионалните власти на 19 септември, пренесува Кијив Индипендент.
Русија лансираше 86 дронови против Украина во текот на ноќта, вклучувајќи 50 дронови „камикази“ од типот Шахед, објавија воздухопловните сили.
Украинската воздушна одбрана пресретна 71 дрон, додека 15 дронови погодија шест локации, а остатоци од дронови беа пронајдени на уште две, според соопштението.
Пет лица беа убиени, а едно беше повредено за време на рускиот воздушен напад врз градот Костјантинивка во Донецката област на 18 септември, изјави гувернерот Вадим Филашкин.
Меѓу жртвите се две жени, на возраст од 62 и 65 години, и тројца мажи, на возраст од 65, 67 и 74 години. Сите наводно биле на улица во времето на нападот. Оштетени се четири станбени згради.
Во Харкивската област, 37-годишен маж е повреден за време на напад врз селото Биљи Колодијаз во близина на Вовчанск, објави гувернерот Олех Сињехубов.
Уште еден цивил е ранет за време на руските напади во Херсонската област, според гувернерот Олександр Прокудин. Пет куќи се оштетени во регионот.
Во Запаришката област, четири жени се повредени за време на руски напад во Полохиската област. Русија изврши 376 напади врз 14 градови и села во регионот, објави гувернерот Иван Федоров.
Д. Мишев / Цивил Медиа
