Азербејџанското министерство за надворешни работи денеска го повикало рускиот амбасадор во Баку за да му врачи „силен протест“, откако руска ракета тип Искандер паднала во близина на зградата на азербејџанската амбасада во Кијив, јавува Kyiv Independent. Експлозијата предизвикала материјална штета на објектот и на службените возила, но меѓу персоналот нема загинати или повредени.
Инцидентот се случил за време на масовниот руски ракетен и напад со дронови врз Кијив рано утрово, во кој загинаа најмалку шест лица, а десетици беа повредени.
🇦🇿 Russians strike Azerbaijan’s embassy in Kyiv — Aliyev outraged
The president of Azerbaijan told Zelensky directly that this is not the first time Russian forces have targeted both the embassy and other Azerbaijani sites in Ukraine.
The overnight strike hit the embassy… pic.twitter.com/gmAMkZDFBQ
— NEXTA (@nexta_tv) November 14, 2025
Баку до Москва: „Овие факти отвораат прашања за намерата на нападот“
Азербејџанските власти му порачаа на рускиот амбасадор Михаил Евдокимов дека „сите овие факти поставуваат прашања за намерната природа на ракетните напади“. Во соопштението се додава дека ова не е првпат азербејџански дипломатски и деловни објекти во Украина да бидат погодени во руски напади.
Зеленски и Алиев во директна комуникација
Украинскиот претседател Володимир Зеленски, кој прв ја објави информацијата за оштетената амбасада, потврди дека разговарал телефонски со азербејџанскиот претседател Илхам Алиев.
I spoke with President of Azerbaijan Ilham Aliyev @presidentaz.
I am grateful for his support and condolences to our people. Hundreds of drones and missiles, including ballistic ones, were used by the Russians against Ukrainians last night. Unfortunately, there is destruction… pic.twitter.com/9PRAEfNvwo
— Volodymyr Zelenskyy / Володимир Зеленський (@ZelenskyyUa) November 14, 2025
Според Зеленски, Алиев го „осудил овој напад“ и истакнал дека „ова не е првпат Русите да ја погодат зградата на амбасадата и други локации поврзани со Азербејџан“. Двајцата лидери разговарале и за унапредување на билатералните односи, при што, како што наведува Зеленски, има „зелено светло во сите области на нашата соработка“.
Низ инциденти што ги нарушуваат односите
Баку потсети на повеќе претходни случаи во кои биле оштетени нивни објекти во Украина: почесниот конзулат во Харкив беше оштетен во март 2022 година, амбасадата во Кијив претрпе штета и во август годинава, руски напади го погодија и нафтеното складиште на азербејџанската компанија Socar
Азербејџан побара од Москва да спроведе детална истрага и да даде официјално објаснување за инцидентот.
Тензии што не стивнуваат
Иако Азербејџан настојуваше да одржи неутралност во текот на руската инвазија врз Украина – балансирајќи меѓу долгорочното партнерство со Москва и поддршката за Кијив – односите драстично се влошија по соборувањето на азербејџанскиот патнички авион над Грозни во декември 2024 година, кога загинаа 38 лица.
Почетното одбивање на рускиот претседател Владимир Путин да ја признае вината предизвика остра реакција на Алиев. Дури минатиот месец Кремљ официјално призна дека авионот го соборила руската противвоздушна одбрана – чекор што делумно ги ублажи тензиите, по што Баку го ослободи приведениот шеф на канцеларијата на Sputnik во Азербејџан.
Редакција Фронтлајн
