Украинскиот претседател Володимир Зеленски в понеделник ќе го посети францускиот претседател Емануел Макрон во Париз, објави денеска Канцеларијата на францускиот претседател.
Двајцата лидери ќе разговараат за „условите за праведен и траен мир“, по разговорите во Женева и презентацијата на мировниот план на САД, соопшти Елисејската палата, пренесуваат британските медиуми.
Зеленски последен пат беше во Париз на 17 ноември.
Минатата недела, САД му поставија ултиматум на Киев да ги прифати условите од договорот од 28 точки до Денот на благодарноста.
Документот потоа беше омекнат со одвојување на најспорните прашања, по интензивните дипломатски консултации во Женева и под притисок од европските сојузници на Украина.
