Реал Мадрид одигра три нерешени натпревари по ред во шпанското првенство. Екипата на Чаби Алонсо синоќа ги подели бодовите со Жирона (1:1). Во претходните два натпревари, тие не успеаја да ги победат Елче (2:2) и Рајо Ваљекано (0:0).
Алонсо даде свое видување по натпреварот со Жирона на гостувањето во 14. коло од шпанското првенство.
– Ја подобривме нашата игра во второто полувреме, имавме повеќе шанси. Ни недостасуваше завршницата за да освоиме три бода. Но, сезоната е многу долга и мора да продолжиме да работиме. Постојат различни фази во сезоната. На почетокот на сезоната, бевме поконзистентни на гостински терен. Ми се допадна реакцијата по примениот гол. Мора да останеме обединети, со потребната самокритика, изјави шпанскиот тренер на прес-конференција.
Реал Мадрид има 14 бода во 33 натпревари и е втор на табелата.
Последната серија од три натпревари без победа на Реал Мадрид во Ла Лига беше во февруари оваа година. Тогаш, тие двапати ремизираа и еднаш загубија.
