ЦИВИЛ – Центар за слобода одржа тркалезната маса на тема „Демократска отпорност: Стратегии и споделени решенија“ во рамките на деветдневната стратешка, граѓанска и мултимедијална програма по повод Неделата на човековите права 2025 – „Одбрана на демократијата: Хоризонти на слободата“ – поддржана од Сојузното министерство за надворешни работи на Сојузна Република Германија, и реализирана во соработка со партнерите во Иницијативата за глобална одбрана на демократијата (DDGI) и Алијансата Вестминстер за Украина (WA4U) – меѓу кои Media Dialogue, Youth4Media, New European People’s Forum (Германија), Асоцијацијата Жан Моне (Франција) и Centro Studi Internazionali (Италија) .
Оваа тркалезна маса ги здружува експертите и практичарите за да ги проценат демократските ранливости откриени во последните години и да идентификуваат практични мерки за зајакнување на институционалната, граѓанската и општествената отпорност.
Учесниците на тркалезната маса: Зоран Иванов – новинр и аналитичар, Луан Имери – активист за човекови права и регионален претставник за Европа и Централна Азија на Aflatoun International, и Џелал Хоџиќ – претседател на СДА Македонија, заедно со модераторот Драган Мишев дебатираа на теми поврзани со проценкат на состојбата на демократијата и човековите права во земјата и регионот – авторитарни тенденции, хибридни закани, медиумска ситуација, ранливости на демократските институции: каде што е применливо – компаративна анализа на регионално ниво, Руски/српски свет во регионот и Патот напред – препораки за демократска акција, каде направија споредба националните и регионалните пристапи, научените лекции и ги истакнаа приоритетните чекори за градење покоординирана и поцврста демократска одбранбена архитектура.
Надоврзувајќи се на претходните значајни изданија на ЦИВИЛ – Одбрана на демократијата и човековите права во услови на војна, национализам и авторитаризам (декември 2024), глобалната патоказ-публикација Одбрана на демократијата и човековите права (март 2025), и Бојното поле на вистината (октомври 2025) – „Хоризонти на слободата“ создава мултидимензионална платформа за соочување со реалностите на манипулацијата поттикната од вештачка интелигенција, дезинформациите, авторитарното влијание и геополитичката агресија. Програмата го преосмислува концептот на отпорност во ера кога војувањето е истовремено и кинетичко и когнитивно, а борбата за вистината станува фронт сама по себе.
Програмата завршува со јавното објавување на Извештајот за Локалните избори 2025, кој нуди аналитички наоди и стратешки препораки што ги поврзуваат дискусиите од целата недела со долгорочниот демократски развој, отчетноста и граѓанското оснажување.
Додека светот влегува во период на длабока неизвесност, „Одбрана на демократијата: Хоризонти на слободата“ го потврдува повикот на ЦИВИЛ за обединување на јасноста, совестa, храброста и граѓанската одговорност во одбрана на човековото достоинство. Оваа деветдневна програма отвора простор за ангажман, размислување и акција посветени на заштита на темелните вредности што ги одржуваат демократските општества.
Годинешното издание ја проширува долгогодишната мисија на ЦИВИЛ за одбрана на слободата, вистината и демократските вредности.
Целосната програма може да ја прочитате тука.
М. Д. / Цивил Медиа
