Принцот и принцезата од Велс објавија нова семејна фотографија по повод божиќната честитка, на која се прикажани заедно со своите деца – принцот Џорџ, принцезата Шарлот и принцот Луј.
Фотографијата е направена во април оваа година во Норфолк, а автор е фотографот Џош Шинер. На неа, принцот Вилијам и принцезата Кејт седат во поле со нарциси, насмеани и во прегратка со своите деца: 12-годишниот принц Џорџ, 10-годишната принцеза Шарлот и седумгодишниот принц Луј, пишува британскиот The Telegraph.
Wishing everyone a very Happy Christmas.
📸Josh Shinner, April 2025 pic.twitter.com/KC4LOuYglC
— The Prince and Princess of Wales (@KensingtonRoyal) December 18, 2025
Со фотографијата, семејството упати кратка порака до јавноста: „На сите ви посакуваме среќен Божиќ.“
Мотивите на природата и оваа година се често присутни во јавните обраќања на семејството од Велс. Принцезата Кејт претходно објави и видеа посветени на убавината и промените на годишните времиња, со фокус на поврзаноста меѓу природата и менталната благосостојба.
Принцот Вилијам, пак, неодамна учествуваше во хуманитарно видео со кое се поддржува заштитата на зелените површини во Обединетото Кралство, заедно со поранешната англиска фудбалерка Џил Скот.
