Министерството за внатрешни работи информира дека во текот на месец март 2026 година, преку системот „Безбеден град“ на подрачјата и коридорите каде се поставени камери, регистрирани се вкупно 26.241 сообраќаен прекршок. Податоците покажуваат значително подобрување на дисциплината кај возачите во одредени категории, особено кај почитувањето на светлосната сигнализација.
Во текот на изминатиот месец констатирани се 70 прекршоци за минување на затворен сигнал, односно црвено светло, што претставува намалување од високи 68.2% во споредба со месец февруари. Најголемиот дел од вкупните прекршоци, односно 25.230 случаи, се однесуваат на управување возило со брзина поголема од дозволената, додека 941 прекршок се регистрирани за управување возило со измината важност на сообраќајната дозвола.
Во истиот период изречени се вкупно 544 мерки забрана за управување со возило, бројка која бележи пад од 16.7% во однос на претходниот месец. Од овие мерки, 70 се изречени за минување на црвено светло, а 474 за пречекорување на брзината. Во рамки на санкциите за брзо возење, 362 мерки се однесуваат на брзина поголема од 80 км на час во населено место, 70 за пречекорување на сопственото ограничување на возилото, а 42 санкции се изречени за возење со брзина над 170 км на час во ненаселено место.
Министерството за внатрешни работи апелира до сите учесници во сообраќајот строго да ги почитуваат правилата и прописите со цел заеднички да се придонесе за поголема безбедност на патиштата низ државата.
