Претседателот на Владата, Христијан Мицкоски, при пуштање во употреба на нов објект, истакна дека извршната власт продолжува посветено да работи на реализација на сите дадени ветувања пред граѓаните преку директна поддршка на локалните самоуправи. Мицкоски информираше дека вкупната сума предвидена за капитални инвестиции од Владата кон општините изнесува околу половина милијарда евра.
Премиерот изрази задоволство од довршувањето и пуштањето во функција на тековните проекти кои веќе активно се користат од младите и придонесуваат за доброто на заедницата. Тој најави дека во претстојниот период фокусот ќе биде ставен како на започнување на нови, така и на финализирање на веќе отпочнатите инфраструктурни зафати.
Зборувајќи за финансиската конструкција со која се поддржува локалниот развој, премиерот појасни дека средствата се распределуваат преку неколку владини механизми и ресори.
„Ние продолжуваме посветено да работиме заедно со општините во насока на завршување на проектите коишто преку две програми во суштина и два повика од Министерството за локална самоуправа беа објавени, некаде околу 350 милиони евра. Со сите оние други проекти коишто министерствата ги финансираат преку нивните соодветни програми, вкупната директна инвестиција од Владата во општините за капитални инвестиции достигнува околу половина милијарда евра“, изјави Мицкоски.
Претседателот на Владата подвлече дека овој сериозен финансиски импут ја отсликува интензивната инвестициска активност што неговиот владин кабинет ја реализира во соработка со локалните власти за време на досегашниот мандат од нецели две години, најавувајќи дека истиот интензитет на поддршка ќе продолжи и во иднина.
