Казахстан ја укина смртната казна, објавено е на сајтот на шефот на државата Касим Жомарт Токајев.
Во соопштението се наведува дека казахстанскиот претседател ја потпишал ратификацијата на Парламентот на Вториот факултативен протокол на Меѓународниот пакт за цивилни и политички права.
Како што се објаснува, станува збор за документ кој ги обврзува потписниците да ја укинат смртната казна.
Извршувањето смртна казна во Казахстан е прекинато во 2003 година, но судовите продолжија да ја изрекуваат најтешката пресуда во исклучителни околности, меѓу кои злосторства кои се сметаат за тероризам.
Еден од осудениците на смртна казна е и Руслан Кулекбајев, кој уби осум полицајци и двајца цивили во 2016 година во градот Алмати. Тој сега ќе служи доживотна казна затвор
