Да се биде онлајн и поврзан е основен дел од секојдневниот живот и односите на децата и младите.
Опсегот на ризици преку интернет што ги доживуваат децата и младите е огромен, на пример, динамиката и распространетоста на интернет-малтретирање, секстирање, експлоататорски односи и врски на интернет… Секоја дискусија за порнографијата и нејзините ефекти врз децата и младите треба да признае дека порнографијата и нејзината потрошувачка се вградени во поширок социокултурен контекст.
Изложеност на порнографија
Децата многу често наидуваат на порнографски слики и содржини, па дури играјќи ја и нивната омилена игра. Некои од тие деца се често вознемирени и често под стрес. Родителите имаат тенденција да ја преценуваат изложеноста на порнографијата кај помалите деца и да го потценуваат степенот на изложеност кај постарите деца, но сепак децата се деца и не треба да бидат изложени на никакви експлицитни фотографии или видеа…
Степенот и фреквенцијата на гледање порнографија се разликуваат по пол, мажите се со поголема веројатност да гледаат порнографија и да го прават тоа често. Ставовите и одговорите на изложеност исто така се разликуваат по пол, при што жените имаат повеќе негативни ставови и одговори како шок или вознемиреност во споредба со мажите, особено кај постарите тинејџери, кои поверојатно порнографијата ја доживуваат како возбудлива и забавна.
Ефектите од изложеноста
Во отсуство на други информации, порнографијата може да биде главниот извор на сексуално образование на една млада личност.
Употребата на порнографија од адолесцентите е поврзана со посилни сексуални ставови (на пример, секс пред брак, секс без обврски). Постојат некои докази дека изложеноста на порнографија може да ја зголеми веројатноста за прерано сексуално искуство за прв пат, особено за оние адолесценти кои консумираат порнографија почесто.
Изопачена слика за вистинскиот секс
Порнографијата влијае на очекувањата на младите личности во врска со сексот, на пример, она што младите мажи очекуваат да го сторат нивните партнери и обратно. И децата од најмала возраст при изложување на порнографија стекнуваат погрешна перцепција за сексот како акт во реалниот живот, со понекогаш не реални очекувања од истиот во понатамошниот живот.
Празнините помеѓу очекувањата и реалноста можат да произведат „сексуална несигурност“ во врска со сексуалните убедувања и вредности и исто така може да бидат поврзани со сексуално незадоволство, вознемиреност и страв. Порнографијата е исто така поврзана и со небезбедни практики на сексуалното здравје, како што се неупотребата на кондоми и небезбеден анален и вагинален секс.
Намалување на изложеноста на порнографија преку интернет и други ризици
Изложеноста на експлицитна содржина на интернет може да предизвика децата и младите да развијат различни „сексуални писмености“ од претходните генерации. Многу влади и невладините служби преземаат чекори за намалување на изложеноста на децата и младите на ризици преку интернет, вклучително и порнографија, и носат стратегии за минимизирање на штетите.
Отворена комуникација
Важно е родителите и старателите да можат да иницираат отворени разговори за искуствата на нивното дете преку Интернет. Училиштата, исто така, треба да играат важна улога во помагањето на децата и младите да ја разберат нивната изложеност на порнографија преку интернет на здрави начини.
Изложеноста на порнографија им штети на децата и младите преку нормализирање на сексуалното насилство, создавање нереални очекувања за интимни партнери и врски и зголемување на ризикот од зависност.
подготвила: Марија Миткоска
