Министерот за здравство на Велика Британија Мет Ханкок, денеска истакна дека ширењето на коронавирусот од Јужна Африка мора да се запре со спроведување на масовни тестирања во областите каде е откриен новиот вид, а случаите не се поврзани со патувања во странство на заразените.
– Немаме докази дека новиот вид предизвикува потешка клиничка слика. Но, ние мора да го запреме ширењето на вирусот и ќе го сториме тоа, рече Хенкок.
Шефицата на Националната служба за јавно здравје, Сузан Хопкинс, изрази очекување дека сите вакцини ќе обезбедат ефикасна заштита од овој вид коронавирус./MИА/
