Во своето гостување во „Топ тема“, градоначалникот на општина Центар, Саша Богдановиќ посочи дека општините се тие кои ќе бидат клучни во реализација на пописот, но и потенцираше дека истиот е важен за податоците и плановите предвидени на општините.
„Како функционер ми е најважно кои луѓе и колку ги имаме во нашите општини. Оттаму, се согласувам дека треба да се спроведе релевантен попис, а нас како градоначалници ќе ни биде од исклучителна важност.
За да планираме, ние треба да ги имаме податоците. Затоа сметам дека пописот е важна операција, за да знаеме колку паркинзи, училишта, градинки итн. ни се потребни.
Од некаде треба да се почне, а ние како народ правиме од се политика. Од нас градоначалниците, зависи како ќе се одвива оваа статистичка операција. Со мерки за претпазливост и заштита, има опции за реализација на пописот“, истакна Богдановиќ.
