„Никогаш повеќе и пред и за време на ковид-кризата државата толку не помагала на компаниите и граѓаните со директни и конкретни буџетски средства и видливи пари како сега. Помошта што е испорачана е 1.1 милијарда евра само за време на ковидот. Директните плаќања само на стопанстото се преку 350 милиони евра, плус дополнително се картичките на сиромашните граѓани, на погодените граѓани од кризата.“, рече премиерот Заев на денешната прес-конференција.
Заев рече дека се јасни критиките од компаниите, но и дека компаниите се свесни дека никогаш толку државата не помагала на компаниите и граѓаните како последниве три години
„Ја разбирам и колективната депресија, низ којашто поминуваме сите, а и македонските компании. Мене ми е јасна и реакцијата кога доаѓаат критики и се учиме и се трудиме да се подобриме и ќе продолжиме, но која и компанија да прашате ќе ви одговори дека се помага како никогаш досега. Тој процес тргна уште од 2017 година и продолжи низ сите години и така ќе продолжиме.“, истакна Заев.
Тој нагласи дека димензионирањето на петтиот пакет економски мерки и при крај и дека се разговара со синдикатите, работниците, работодавачите, коморите… сите партиципиенти во процесто.
„Во делот на мерките „слушнавме“ од трудоинтензивните дејности дека не може туку-така да ја укинеме мерката субвенции преку плати, колку и да сака Владата да испрати порака за еден излез од кризата, за еден рестарт за еден почеток после криза. Треба да испратиме пакет на мерки и на мотивација и на охрабрување во делот на навлекување на инвестициони циклуси со цел зголемување на продуктивноста и профитабилноста на македонските компании, а со тоа и дигање на БДП.“, потенцира Заев.
Ј. Ѓ.
