Во Софија денеска се одржува протест под мотото „Без нацисти на нашите улиците“ поради најавениот Марш на Луков, јави дописникот на МИА од Софија.
Учесниците на протестот се изјаснија против омразата и поделбата и за поддршка на еднаквоста без оглед на расата, етничката припадност, полот и економскиот статус.
Демонстрантите извикуваа „Софија не е фашистички град“ и носеа транспаренти на кои пишуваше „Луѓе разбудете се!“.
– Тука сум затоа што ја поддржувам борбата за подобар свет во кој сите можеме да живееме заедно без дискриминација, без предрасуди и насилство. Јас исто така не го поддржувам подемот на кој било нацистички или друг тоталитарен идол, како што е Маршот на Луков, против кој исто така сме тука, истакна еден од демонстрантите.
