При набавката на софтверот не е прекршена ниту една процедура за јавни набавки и не е констатиран никаков конфликт на интерес. Владата работи по највисоките професионални, правни, етички и законски постапки и нема да дозволи нарушување на ваквите стандарди за отчетност и транспарентност, без разлика за која набавка станува збор.
Јавните сервиси Македонската радио телевизија и Бугарската национална телевизија потпишаа меморандум за разбирање, со којшто на реципрочен начин ќе разменуваат вести, детски, музички, забавни, културни и образовни програми, а чија цел е да се развиваат пријателски односи и заемно корисна билатерална соработка.
Нови 913 случаи на Ковид-19 од направени 3.707 тестирања се регистрирани во изминатото деноноќие. Починати се 16 лица, а оздравени 351 пациент.
Во Кичево утре и задутре ќе бидат тестирани вкупно 146 кандидати за реонски попишувачи и инструктори за претстојниот попис на населението, становите и домаќинствата што треба да се спроведе во април. Од нив, 13 лица ќе станат реонски инструктори, а 128 реонски попишувачи.
ЦИВИЛ го започна проектот Направи разлика: Почитувај ги различностите во соработка со Министерството за надворешни и европски прашања на Големото војводство Луксембург. Проектот е продолжение на минатогодишната извонредно успешна иницијатива Обединети во различноста.
