Пендаровски: Благодарност до Србија, тоа е срам за нашата држава која мора да пружи здравствена заштита на своите граѓани. „Гледавме слики од викендов во Србија, такви слики едноставно не може да се повторат. Благодарност до Србија, но тоа беше срам за нашата држава. Едноставно е, државата мора да пружи здравствена заштита тука, рече Претседателот.
Пендаровски го поздрави договорот меѓу власта и опозицијата. Со вакцинацијата ќе бидат создадени услови за успешно спроведување на пописот без да има каква било основа кој било да се посомнева во неговата легитимност, изјави Пендаровски по седницата на Советот за безбедност на која се разгледуваше состојбата со пандемијата.
Филипче: Изненаден сум од изјавата на Претседателот, сликите од Србија не се срам, туку одраз на солидароност во услови на криза. Владата прави максимални напори да обезбеди вакцини, а вакцинацијата започнува веќе од утре. Претседателот на државата како институција исто така би требало да игра значајна улога во сите овие процеси на набавки. За жал, конкретна поддршка од Пендаровски изостана, реагира Филипче.
Нема нови дополнителни рестирктивни мерки. Од МЗ подвлекуваат дека болничките капацитети за прием на ковид пацинети за разлика од ноември се зголемени за 50%, а зголемена е и потребата од хоспитализација на пациенти што бара сериозен пристап и координација која успешно се менаџира.
МЗ:Мој Термин ги отвори термините за ковид вакцинација, досега пријавени над 5.900 граѓани над 77 години.
Обезбедени вакцини за новинари и медиумски работници. Обезбедени се дози од вакцината „Астра Зенека“ кои ќе бидат наменети за хронично болни новинари и медиумски работници и за оние над 45 години кои работат на терен или имаат чести студиски снимања.
Шилегов: Од денес повторно ги имаме Ленинова, Железничка, Мексичка, Каирска, 4 Јули и други улици. Најголемиот дел од улиците кои добија нови имиња претходно беа именувани или со број или како краци на други улици. Ова го направивме од практични причини, со што се олеснува целокупната организација на нумерирањето на објектите на овие улици, напиша на Фејсбук скопскиот градоначалник.
Игор Џамбазов: Ех, да се сите криминалци како мене, кај ќе ни беше крајот… Драг мој народе, денес низ медиумите осамна соопштение од страна на оштетените штедачи од Еуростандард банка, во кое е спомнато и моето име. Во него се изнесени аргументи, кои во несебична помош на дел од медиумите, станаа невистини кои морам да ги демантирам.
„БиоНТек“ во 2020 година само од анти-ковид вакцините заработилa 270,5 милиони евра. Заклучно со март 2021 година, наведе ко-основачот Угур Шахин, компанијата, заедно со партнерите, испорачала повеќе од 200 милиони дози од нивната вакцина, во повеќе од 65 земји и региони од светот.
АстраЗенека го смени името на вакцината во „Ваксзервија“. ЕМА дојде до „јасен научен заклучок“ дека вакцината „АстраЗенека“ е „безбедна вакцина, чија ефикасност во спречување на Ковид-19 е далеку поголема од потенцијалните ризици“.
И. Т. З.
