Американците го поддржуваат претседателот Џо Бајден повеќе за тоа како тој се справува за пандемијата, отколку како се справува со имиграцијата, се дознава од најновата анкета на нацоналата радио мрежа Ен-Пи-Ар и Марист.
Во врска со коронавирусот, 65 отсто од Американците изјавиле дека ја одобруваат работата на Бајден, наспроти 28 отсто кои не ја одобруваат. Од оние кои ја одобруваат, речиси една третина се републиканци.
Од друга страна, за имиграцијата, 34 отсто од Американците ја одобруваат работата на Бајден, споредено со 53 проценти кои што не ја одобруваат. Во тие кои на ја одобруваат вклучено е мнозинство од независните и речиси четврина од демократите.
Наодите од анкетата се во време кога над половина од населението во САД е веќе вакцинирано додека илјадници имигранти од Јужна Америка, вклучувајќи и деца без придружба на роднини, пристигаат на американско-мексиканската граница.
Мала разлика постои меѓу ова испитување на јавноста и она на Еј-Би-Си њуз и Ипсос објавено викендов. Во таа анкета, 75 отсто од Американците изјавиле дека одобруваат како Бајден се справува со вакцинацијата, додека 41 процент изјавиле дека ја одобруваат неговата работа околу ситуацијата на границата.
Во анкетата на Ен-Пи-Ар и Марист, 53 отсто од Американците ја одобруваат вкупната работа на Бајден, споредено со 40 отсто кои на ја одобруваат.
Разликата меѓу демократите и републиканците е јасно изразена, 91 процент од демократите ја одобруваат работата на Бајден, додека 84 проценти од републиканците на ја одобруваат. /МИА/
