пишува: ЈАНЕ ЃОРЃИОСКИ
Скопје 3 декември 2019 година. Еве го – Александар Николовски потпретседателот на ДПМНЕ и вмровски министер за надворешни работи во сенка, изнапикан во курирските визби и тапшан од јадните издишани пиарчичи на бившиот режим, еве го во интервју за Курир со наслов:
Николовски: Западните политичари се разочарани од Заев, се срамат што некогаш го поддржувале
Сега, погледнете го овој преплашен лик:
Се сеќавате на овие румени обравчиња од овој ист Николовски од пред неколку дена од видеото со Бојко Борисов, што ја упропасти вмронската врхушка? Ви текнува ли дека и јаден Мицко имаше проблем кога дојде редот да го претстави Николовски пред Борисов, па завитка некој муабет кутриот, колку да му помине редот? Е, сеа, тој онаков јаден Ацкич се испетелил на Курир со интервјуто и дели лекции. Па вели: Заев ја губи поддршката од запад, па како западните лидери биле тотално разочарани од него па вели во интервјуто, цитирам:
Сите нека размислат кога Зоран Заев последен пат бил поканет во главен град во било која држава надвор од соседството, па мумла кутрото тоа да биле средби во главни градови, да биле билатерални средби, па прашува Николовски Ацкич – Кога последно бил Заев во Лондон, Мадрид…
И имаш ваков контраст:
Лондон 3 декември 2019 година, Самит на НАТО.
Истиот ден, истиот тој мајчин 3-ти декември, истата господова година кога излегува интервјуто од Николовски во Курир, со сите погоре искажани конструкции, тој мајчин Заев, со Димитров и Шеќеринска, како за инает ете ти ги баш во првоспомнатиот Лондон.
И види каква ујдурма му прават на Николовски овие од официјалниот Твитер профил на Кралската фамилија:
Или во превод: Официјална фотографија на нејзиното височество Кралицата, Принцот од Велс, Генералниот секретар на НАТО и (пази овде Ацки) лидерите од државите кои ја формираат Северно-Атлантската Алијанса.
Ацки, ако ти треба помош, Ете го, тој „малиот“ што стои позади Доналд Трамп во друштво на премиери и претседатели, кралица и принц. Да, де, тоа е оној истиот за кој инсинуираш во интервјуто дека ја губи поддршката од светските лидери и дека тие биле разочарани од него. Како така бе Ацкич?
Има и друг твит, како е во друштво со Генералниот секретар Столтенберг, каде се во извонредно расположение, ама па не e фер да го постирам, ептен грев ме фати, не толку за тебе, колку за тие од силниот курирски ПР што ти ги подметнале одговорите, а богами и терминот за интервјуво ти го погодиле.
Во ист ден бе… 🙂 Автогол!
Заев: На здравје Јенс, уживај во вкусот на ова одлично македонско вино
Сите права се задржани. Преземање на содржините e НАЈСТРОГО ЗАБРАНЕТО, освен со писмена дозвола од Редакцијата FRONTLINE.MK.
Со неовластено преземање на делови или цели прилози од оваа веб страница, СЕ СОГЛАСУВАТЕ на FRONTLINE.MK да му исплатите надоместок од 60.000 денари во рок од осум дена по преземањето на содржината. Оваа обврска не застарува, а за секое доцнење на исплатата ќе биде пресметана соодветна законска камата.
