Светската здравствена организација (СЗО) ја одобри вакцината против Ковид-19 на компанијата Модерна за итна употреба, пренесува МИА.
Тоа е петта вакцина одобрена од СЗО, со што ќе се забрза одобрувањето за употреба на овој препарат и од страна на националните агенции задолжени за контрола на лекови.
Во извештајот на СЗО се наведува дека целта е лековите, вакцините и дијагностичките средства да бидат подостапни во што пократок рок.
Марињела Симао, асистентка на генералниот директор на СЗО, изјави дека е многу значајно да се имаат на располагање поголем број одобрени вакцини против коронавирусот, со што ќе се надминат доцнењата во испораките до корисниците.
СЗО сè уште размислува дали да ги одобри и кинеските вакцини „Синофарм“ и „Синовак“, а одлуката е најавена до крајот на следната недела.
