пишува: ЈАНЕ ЃОРЃИОСКИ
Mожеби би било поправилно: Што им тропа во главите на Јелена Жугиќ, Мицкоски и врхушката од ДПМНЕ, но со оглед на констатацијата која што и самата Јелена си ја дава „На врата ни тропа пораз за локалните избори, а на парламентарните ни следува потоп“, се чини дека цел лумперај се случува во ВМРО-ДПМНЕ.
Ако се земе да се анализира скандалозната аудио снимка, која протече на Јутјуб, а каде според објавувачот, главен херој е функционерката од ВМРО-ДПМНЕ, Јелена Жугиќ, може да излезат цели томови научни трудови по историја, географија, но и по психологија и трауматологија.
ВМРО-ДПМНЕ е издишана партија. Уште колку изборни круга мицковите клукајдрвци мислат да го плашат членството со федерализација, идентитетски шашми, бегалски кампови и сл. не може со сигурност да знаеме. Но, дека нема што друго да понуди ова раководство повеќе, тоа е веќе јасно подолго време.
Мицкоски од денеска најави блокади на најфреквентните раскрсници ширум Македонија, ќе го кревал револтот, ќе качувал адреналин кај незадоволниците и повторно со истата реторика ќе брка вештерки сред бел ден, со приказните за „разнебитување“, „предавници“, со „душмани“, сигурно ќе се најде некој/а што ќе упати клетви до трето колено, ќе има и тетовирани со Никола Груевски на градите што ќе проронат понекоја солза по „македонштината“, а најверојатно ќе слушаме и закани од типот на „Ноќта на долгите ножеви. Некои жугички сигурно ќе се пењават до изнемоштеност за некое директорско или министерско место, зашто, како вели Жугиќ во снимката: „Има место за сите, ќе дојде време. ќе немаме кого да ставиме, оти има многу функции.
И бидете сигурни дека искрена е Жугичка кога вели дека нејзе не и значи во Пробиштип кој ќе биде градоначалник. Од она што слушнавме нејзе не и значи ништо што е граѓанско и нормално. Таа е една напудрена фасада, заробена душичка во своето племенско трло и ништо повеќе од тоа.
Вели дека Албанците го окупираат Бутел, а како закана за нејзината умислена етничка супериорност ги гледа и турските инвестиции. „Инвестиција од 200 милиони евра е во прашање. Турчин!“, ги заплашува соговорниците Жугичка.
Замислете, турчин инвеститор, колку страшно звучи тоа?!
Подпросечната актерка и вмровски партиски подврзок, кукумјака по Никола Груевски, вели за сè бил во право. Ете ни ги реформираните вмровци во ликот на Жугичка, а предводени од Мицкоски. Топтан сите непроветрени ќе ги гледаме наредниве денови, како ќе малтретираат народ по улиците. Ќе блокираат улици и раскрсници од 15 до 17 часот, баш во време кога си оди радни народ дома, овие ќе мелтретираат со блокади.
Видете драги мои, немаат сега сила да молкнат административци за на протести, немаат моќ да се закануваат со губење на работни места, со затворање на дуќани, со монтирање на судски процеси… немаат ништо од тоа веќе неколку години, па единствено се надеваат дека со шашми и вештерки ќе удрат со заплашувањаа на само во нивните глави – идентитетски обезличување… се сеќавате, тоа е истата реторика препрочитана и повторена по којзнае кој пат. Добро, можеби имаат да дадат по еден сендвич и за клукајдрвците од искубаната гарда обвиткани со анитчки колоритет, ама бадијала.
Не им поминува повеќе.
Врхушката на ВМРО-ДПМНЕ деновиве ќе се соочи со она што ѝ се случува последниве четири години – политички и партиски пораз. Идеолошки и онака одамна се заглавени и потопени таму некаде – пред два века.
Текстот е личен став на авторот. Сите права се задржани
