На јасно сме дека до членството ќе поминат можеби уште пет, седум или 10 и повеќе години, но ЕУ е неопходно да ги исполни своите ветувања, да ни овозможи да го направиме следниот чекор, истакна премиерот Зоран Заев во емисијата „Конфликт зоун“ на „Дојче веле“. Европеизацијата на општеството и членството во ЕУ немаат алтернатива, без разлика на разочарувањето. Истакна дека владеењето на правото и на законите е еднакво за сите и постојано ги следиме препораките на независните антикорупциски тела. Во интервјуто зборуваше и за исходот од претстојниот попис, за кој изрази уверување дека ќе биде точен и успешен и на ниеден начин нема да влијае врз правата на граѓаните од етничките малцинства.
Продолжува трендот на намален број на новозаболени лица од коронавирусот во државата. Според вчерашните податоци објавени од Министерството за здравство, регистрирани се 15 нови случаи, а нема починати лица. Во текот на деноноќието меѓу вторникот и средата направени се вкупно 2.550 тестови, а вкупниот број на активни случаи во државава вчера изнесуваше 234. Состојбата со коронавирусот е стабилна.
На секому му е јасно, сите знаат а тоа е потврдено и со анкети на јавното мислење, „Најдоброто“ е во СДСМ, порача вечерва генералниот секретар на СДСМ, Љупчо Николовски на трибината „Најдоброто за нашата општина“ во Пробиштип. И анкетата на „Брима“ потврдува – „Најдоброто“ е во СДСМ, вели тој.
Довербата во СДСМ расте затоа што граѓаните знаат дека ја имаме најдобрата понуда за секоја општина, вели Лукаревска. Зад нас се четири години на успеси на економски, социјален и локален план, порача Лукаревска.
М. Миткоска
