Без никакви застои и проблеми, со посакуваниот интензитет се одвива пописот на населението и објектите. Од Државниот завод за статистика се задоволни и од темпото и од работата на попишувачите, а Владата очекува пописот да продолжи со предвидената динамика и сите активности успешно да завршат до 30 септември. Заклучно со завчера до 20 часот попишани се 512.457 лица, 158.519 домаќинства и 212.464 станови. Симовски вели дека нивната веб-страница е под постојан напад на хакери и оти имало два обиди за хакерски упади на системот за попишување, кои успешно биле одбиени.
„Ексклузивното“ објавување на т.н. “Non-paper” за македонско – бугарскиот спор од „Клан Македонија“, и покрај демантите од Владата и претседателот на државата дека станува збор за официјален предлог, предизвика бура од медиумски содржини, дел од кои изобилуваа со невистини, потпалувачки говор и говор на омраза… Нон-пејпер, хартија за медиумско потпалување етнички страсти и „патриотски“ говор на омраза, пишува ЖАРКО ТРАЈАНОСКИ / ЦИВИЛ МЕДИА
Завршната турнеја на Ангела Меркел на Балканот, со бирање на Белград и Тирана како места за значајни политички владини и невладини средби – веројатно тој „прелет“ од Србија и Албанија преку Косово е пораката што германската канцеларка на заминување сака да ја испрати… Данке Дојчланд за „мама Меркел“!, пишува САШО ОРДАНОСКИ / ЦИВИЛ МЕДИА
Вкупната бројка на КОВИД-дијагностицирани лица во земјава од почетокот на епидемијата изнесува 184.277, бројката на оздравени пациенти е 165.077, на починати 6.307, а бројот на активни случаи изнесува 12.893. Поради состојбата со епидемијата Владата одлучи наместо до 14 септември во средните училишта во Тетово и Гостивар наставата да се одвива онлајн до 20 септември.
Премиерот Зоран Заев на својот фејсбук профил упати порака по повод Меѓународниот ден на демократијата. Во годината кога Република Северна Македонија слави 30 години независност и самостојно учество во животот на заедницата на народите, пишува Заев, го славиме и големиот принцип – дека демократијата доаѓа од народот за да му служи на народот.
М. М.
