Претседателот на Владата на Република Северна Македонија Зоран Заев, придружуван од вицепремиерот во Владата задолжен за економски прашања, координација на економските ресори и инвестиции Фатмир Битиќи, министерот за транспорт и врски Благој Бочварски, министерот за земјоделство, шумарство и водостопанство Арјанит Хоџа, во присуство на градоначалниците на Штип и Пробиштип д-р Сашко Николов и Драган Анастасов присуствуваа на настан со кој започна тестирањето на пречистителната станица Штип како дел од повеќенаменскиот капитален проект – Хидросистемот Злетовица.
Министерот за правда Бојан Маричиќ денес се обрати на дијалогот за јавни политики „Имплементација на Стратегијата за реформа на правосудниот сектор 2017-2022 година со Акциски план-до каде сме и што понатаму“ во организација на Институтот за европска политика, каде кажа дека е задоволен од резултатите и темпото на спроведување на реформите во правосудството.
Особено ми е драго што UNODC искажа огромна поддршка, го препозна напредокот на Република Северна Македонија и од сите земји од регионот, се задоволни од соработката со нашата земја. Ова е дополнителна мотивација за нас да продолжиме уште повеќе и уште посилно во борбата против корупцијата заедно со нашите меѓународни партнери.
На средбата, соопштија од МО, Николиќ истакнал дека Северна Македонија останува кредибилен сојузник во НАТО-Алијансата. Државниот секретар порачал дека приоритет за Министерството за одбрана остануваат опремувањето и модернизацијата на Армијата и потенцирал дека воената интеграција во НАТО тече според плановите.
Заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, денеска одржа средба со постојаната претставничката на УНДП во Република Северна Македонија, г-а Нарине Сахакјан.
Во организација на НАТО Евроатлантскиот центар за координација на одговор при катастрофи (EADRCC) и Центарот за управување со Кризи (ЦУК), на подрачјето на Охрид и Струга, од 20 до 24 септември годинава ќе се одржи вежбата „Северна Македонија 2021“.
В.Д
