„Секогаш сме подготвени за избори и ние ги преземаме сите активности во ДИК. Главоболки може да ни предизвикаат промените на Изборниот законик, а се надевам дека тој процес ќе завршат побргу“, вели претседателот на Државната изборна комисија Оливер Деркоски во емисијата „Утрински брифинг“ на Слободен печат.
Деркоски додава дека Избирачкиот список е динамична материја и дека нема да биде идеално чист. Тој вели дека во Избирачкиот список ќе нема идеално поклопување со реалната ситуација, иако од страна на ДИК се вршат ажурирања на месечно ниво.
Во Избирачкиот список се сите државјани кои добиле државјанство, или над 2 милиони и 400 илјади граѓани. Право на глас имаат сите државјани на државата, а жители на државата секогаш има помалку од државјани, зашто право на глас има и државјаните кои се од дијаспората, потенцира Деркоски.
Бројот на жители и бројот на државјани кои имаат право на гласачи, Деркоски потенцира се оние две категории кои често ствараат забуна во јавноста и тие треба да ги разликуваме, а истото тоа го имаме и кога се споредуваат и податоците од Пописот на жители со бројот на избирачи.
Согласно последните измени на Изборниот законик, сега ДИК е таа која им исплатува буџетски средства на медиумите за покривање на изборите. Околу 3.7 милиони евра им се исплатени на медиумите од кои на 74 интернет портали и скоро сите телевизии и радија кои се пријавија во законски определениот рок. За интернет порталите се исплатени околу 1 милион евра“ истакна претседателот на ДИК Оливер Дерковски во госувањето во емисијата „Утрински брифинг“. на Слободен печат.
За таканаречените „фантомските гласачи“ Деркоски вели дека тоа најчесто се работи врзани за адресата на живеење и дека ДИК не може директно да изврши таква корекција, туку таквите случаи се упатуваат до МВР, која отпочнува постапка за прочистување на таа состојба и врз база на тоа ДИК потоа го прочистува Избирачкиот список.
Ј. Ѓорѓиоски
