Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат, посочуваат од Јавното обвинителство. Ова е причината за трагедијата во тетовската модуларна болница, во која загинаа 14 луѓе. Дерала вели, „не влегувам во политика“. Камиказа ќе прави саем, ама каде?
ФРОНТ И РЕНДГЕН
(ВИДЕО) Дерала: Не, не, не влегувам во политика! Интервју на Зоран Иванов со Џабир Дерала во новиот серијал интервјуа на Цивил Медиа со насловот District.
Пандорина кутија: Следи ги парите!… Самите тие операции, како и во овој случај, не се нелегални, но се индикативни за секој оној кој сака да го постави прашањето: „Добро, дозволено е да имаш и 10 фирми на Кајманските Острови, на Белизе или Панама – но, од каде ти се парите за трансакциите низ тие фирми?!“, пишува Сашо Орданоски.
Пандора документи.
ЛОКАЛНИ ИЗБОРИ 2021, ВЕТУВАЊА И ГАФОВИ
(ВИДЕО) Гаф на Камиказа: Имало саем во било кој свет, и тој ќе прави, ама во Петровац, не во Петровец. Камиказа на трбинапраша „постои ли метропола во било кој свет, што нема саем? А потоа додаде, „Ние ќе го направиме саемот на централно место, ќе биде на некои 20 километра од Скопје во ПетровАц!“.
Шилегов за Денот на животните: Скопје е единствен град со јавно претпријатие за улични животни. По повод Светскиот ден на животните, вчера, градоначалникот на Град Скопје, Петре Шилегов, го посети паркот за миленици спроти Нова Македонија, каде поразговара за одговорно сопствеништво, чипирање и стерилизација на домашните миленици со сопствениците на кучиња кои беа во паркот.
СДСМ денеска во Петровец, Илинден, Аеродром и Гази Баба, ВМРО-ДПМНЕ во Бутел, Чаир и Центар. ДУИ изборната кампања ја продолжува во Теарце. Во Кавадарци и Велес изборни активности ќе има „Одлучно за промени” предводено од Зелената партија ДОМ и ЛДП. БЕСА ќе биде во Студеничани.
ПОЛИТИКА, TECH FRONT
Откриена причината за пожарот во Тетово. Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат, посочуваат од Јавното обвинителство.
„Кажи не!“: МВР со кампања за зголемување на свеста за опасностите од споделување фото и видео материјали на Интернет. Според Европол, за време на епидемијата, побарувачката за снимки од сексуална злоупотреба на деца се зголемила за 25 проценти во некои земји- членки на ЕУ.
Формиран Совет за дигитална трансформација на општествата од Западен Балкан. Бројот на членови на Советот нема да биде ограничен, а ќе функционира и по принципот на групи во форма на работни тела, специјализирани по области од доменот на дигиталната трансформација.
ЕКОНОМИЈА
Бислимовски за ДВ: Нема причини за поскапување на струјата. Потребите за струја по регулирана цена за домаќинствата се обезбедени најмалку до Нова година, уверува првиот човек на Регулаторната комисија за енергетика.
Mожно е предвремено да почне грејната сезона во Скопје. Метеоролозите од среда најавуваат значително намалување на дневните температури со што се отвора можност да БЕГ да почне да ги загрева домовите во Скопје. Одлуката за тоа кога ќе почне греењето (во периодот пред 15 октомври) ја носи Регулаторната комисија за енергетика.
СВЕТ
Афера „Пандорини документи“: Протекоа 11 милиони документи, откриени финансиски тајни на светската елита. Истрагата во која беа вклучени 600 новинари, врз основа на околу 11,9 милиони документи од 14 компании за финансиски услуги, откри повеќе од 29.000 офшор компании, врски меѓу офшор средства и 336 лидери и политички претставници кои формирале 1.000 компании.
