– Скандалозно категоризирање на влашкиот јазик како романски во податоците на Централниот регистар на население. Покрај цела голгога од која добив грешен извод, бидејќи на македонски ми е згршено презимето во КОрдула, а јасно се гледа во истиот дел документов дека сум КАрдула, објави на Фејсбук Теано Кардула.
„Она што најмногу ми бодеше очи е под категоријата јазикот на личните документи кои ми се на ВЛАШКИ, во овој документ издаден од Министерството за информатичко општество и администрација e заведено како РОМАНСКИ.
Власите имаат вековна борба да бидат признаени како тоа што се – ВЛАСИ, а не да бидат сметани за дел од друга етничка група. Ова е асимилаторски потег, особено што постои и историја на борбата на Романија ние тука да бидеме класифицирани ко Романци, а не Власи.
За споредба, ова би било исто навредливо како моменталните ситуации каде македонски се бара да се запише како бугарски.
Влашкиот јазик е засебен јазик, стандардизиран и признаен.
Барам извинување до цела влашка заедница и повлекување на ова неприфатливо категоризирање
Барам од „Демократскот сојуз на Власите“ да помогнат и реагираат за ова“, наведува во објавата Теано Кардула.
На ова реагираше и нејзиниот татко, уметникот и графички дизајнер Зоран Кардула:
„Одговорните во Министерство за информатичко општество јавно да го објаснат овој скандалозен чин и да се извинат на цела влашка заедница. Истото и кај мене стои „Романски јазик“, напиша Зоран Кардула.
