Одговорот на НАТО на руските предлози за безбедносни гаранции ја нагласува сериозноста и одговорноста со која гледа на актуелната ситуација, изјави високиот претставник на ЕУ за надворешна политика и безбедност Жозеп Борел.
„Одговорот на САД на руските предлози за безбедносни гаранции обезбедува солидна основа за зајакнување на стабилноста во Европа“, напиша тој на Твитер.
.@NATO’s written reply to Russia’s proposals highlights the seriousness & responsibility with which the current situation is being addressed
With the US response, it provides a solid basis to reinforce security & stability in Europe. The path for negotiations is open on our side
— Josep Borrell Fontelles (@JosepBorrellF) January 27, 2022
„Отворен е патот за преговори од наша страна“, напиша Борел.
САД и НАТО вчера и дадоа на Русија писмени одговори на безбедносните предлози што Москва им ги понуди на Вашингтон и на Брисел.
САД побараа текстовите на овие документи да не се објавуваат во јавноста, но американскиот државен секретар Ентони Блинкен и генералниот секретар на НАТО Јенс Столтенберг ги наведоа нивните главни елементи. Според двајцата, Западот начелно не и прави отстапки на Русија, туку дава насоки за понатамошни преговори.
