Загубите на руските напаѓачи во војната се десет пати поголеми од загубите на вооружените сили на Украина. Ова го изјави претседателот Володимир Зеленски за време на разговор со странски медиуми, јавува Укринформ.
„До денеска, во нашата земја загинале околу 1.300 војници, а во Русија повеќе од 12.000, секој десетти. Не сум среќен поради тоа, тоа не е моја визија за светот како целина“, рече Зеленски.
Тој исто така нагласи дека руската политика внатре во земјата зборува за „фашизам“ во Украина, но всушност руските напаѓачи се однесувале како нацисти.
„Зошто толку многу затвореници? Затоа што дојдоа да нè убијат, а потоа видоа дека, како прво, се слаби, дека нема да се откажеме затоа што сме на наша земја. И како второ, некои од нив сфатија, и покрај тоа што имаат 18-20 години, дека се однесуваат како нацисти. Затоа што така беше во времето на нацистите – имаат грабежи, блокираат градови, не им даваат ни вода на луѓето“, изјави шефот на државата.
