Серијата „Слуга на народот“ (Servant of the People), во која Володoмир Зеленски глуми професор по историја кој случајно станува претседател на Украина, повторно е достапна на Нетфликс, а од понеделник ќе може да се гледа и на Канал 5 и Глеј.мк.
„Вие побаравте и ние ја вративме!“, пишува на Нетфликс профилот на Твитер.
Servant of the People е повторно достапен на Netflix во САД. Во сатирична хумористична серија од 2015 година, Володимир Зеленскиј глуми учител кој неочекувано станува претседател, откако видеото на кое се жали на корупција одеднаш стана вирално, пишува во објавата на Твитер.
You asked and it’s back!
Servant of the People is once again available on Netflix in The US. The 2015 satirical comedy series stars Volodymyr Zelenskyy playing a teacher who unexpectedly becomes President after a video of him complaining about corruption suddenly goes viral. pic.twitter.com/Pp9f48jutF
— Netflix (@netflix) March 16, 2022
Директорот на Канал 5 Иван Мирчевски во својата објава на LinkedIn најави дека на Канал 5 ќе почне да се емитува откачената, мегасмешна, неповторлива и една од најгледаните комедии во светот во моментот.
Серијата која ја најави иднината на украинскиот претседател Зеленски. Единствената серија која заврши затоа што стана вистина, наскоро ќе биде достапна и на Глеј, пишува на официјалната Фејсбук страна на Глеј.
„Серијата која ја најави иднината на украинскиот претседател Зеленски. Единствената серија која заврши затоа што стана вистина, наскоро на Gley!
Регистрирај се на www.gley.tv и искористи го пробниот период бесплатно, без обврзувачки договор.“, пишува во објавата.
М. А.
