Во с.Кадино, општина Илинден, денеска полициски службеници од Одделот за криминалистичка полиција – Сектор за недозволена трговија со дрога оружје и опасни материи во координација со полициски службеници од Единицата за недозволена трговија со дрога при СВР Скопје го лишиле од слобода Д.М.(51) од с,Кадино, информираат од Министерството за внатрешни работи.
При претрес во неговиот дом, извршен со судска наредба, биле пронајдени и одземени околу половина килограм марихуана и дробилка, пишува во соопштението.
Од МВР известуваат дека Д.М. бил приведен во полициска станица и по целосно документирање на случајот против него, до надлежното основно јавно обвинителство, ќе биде поднесена пријава по член 215 од Кривичниот законик.
