Ова не е прв пат водечките општествено-политички публикации во САД да посветат некои тематски публикации на украинското оружје. Уништувањето на рускиот крстосувач „Москва“ беше поттик за Вашингтон пост да им каже на Американците за украинскиот комплекс „Нептун“ со својата противбродска ракета, пишува Defence-ua.
Публикацијата со наслов „ Нападот со ракетите Нептун ја покажува силата на домашното оружје на Украина“ вели дека производителот КБ „Луч“ за прв пат ја претстави идната противбродска ракета во 2015 година.
Тогаш, „Нептун“ привлече малку внимание и од руската страна беше оценет како “роба за широка порошувачка со вредност на старо ѓелезо“. Но, ситуацијата драматично се промени оваа недела, кога американското Министерство за одбрана соопшти дека украинските војници ја искористиле ракетата за да го нападнат и потонат предводникот на руската Црноморска флота, крстосувачот „Москва“.
„Ударот од средата означи моќен поттик за Украина – не само за нејзините воени напори, туку и за сопствената одбранбена индустрија, и покрај фактот што таа сега е во голема мера принудена да се потпре на оружјето предадено од западните партнери“, пишува WP.
Весникот го цитира Марк Кансијан од Центарот за стратегиски и меѓународни студии, кој вели: „За Украинците, ако успеале да го потонат или оштетат овој брод со нивните ракети Нептун, тоа е пред сè прашање на гордост. Тоа е исто така корисен воен ресурс затоа што ќе можат да ја одвратат руската флота“.
Всушност, развојот на новата противбродска ракета во Проектното биро “Луч“ започна во 2010 година. Ова беше иницијатива на генералниот проектант – генерален директор на ДККБ “Луч“ Олег Коростелев. Во тоа време, ваквите проекти се сметаа за несоодветни. Особено во отсуство на средства за потребите на одбраната, кои не се сметаа за приоритетни.
Претседателите се сменија, но Проектното биро “Луч“ сè уште бараше можности да продолжи да работи на крстаречката ракета. Во 2013 година на полигонот во близина на Чернихив се одржаа првите тестови за лансирање на ракетниот модел. Во 2015 година новото оружје беше јавно покажано, иако изгледот на проектилот се чуваше во тајност. Од тоа време се забрза работата на проектот.
Сепак, комбинацијата на потенцијалната и интегрирачка улога на Проектното биро “Луч“ со можностите на другите водечки одбранбено-индустриски претпријатија во земјата беше основа за решавање на тежок проблем со ограничени финансиски и временски ресурси.
Подоцна, генералниот проектант, Херојот на Украина – генералниот директор на ДККБ „Луч“ Олег Коростелев во интервју за „Дифенс експрес“ рече дека развојот на целиот комплекс РК-360МТ „Нептун“, вклучувајќи ги крстосувачките ракети и сите машини ја чини Украина само 40 милиони долари. Ваквите средства и беа потребни на ДККБ „Луч“ за да го доведе крајбрежниот одбранбен комплекс на државни тестови, кои беа успешно завршени во август 2020 година.
Последната фаза на државните тестови на Крајбрежниот ракетен комплекс RK-360MC Нептун се одржа на 17 јуни 2020 година на полигонот Алибеј на Државниот тест на вооружените сили на Украина во регионот Одеса – со успешно уништување на површинската цел со две нови Р- 360 крстосувачки ракети.
Противбродскиот копнен комплекс „Нептун“ (RK-360MTs) со противбродска крстосувачка ракета R-360 е дизајниран да уништува воени бродови крстосувачи, разурнувачи, фрегати, корвети, како и десантми и тенковско десантни бродови и возила кои делуваат независно или во состав на групи.
Комплексот „Нептун“ (RK-360MTs) може да извршува борбени мисии за уништување на површински цели во едноставни и сложени временски услови, во секое време од денот и годината, против активен оган и електронски контрамерки на непријателот.
Комплексот Нептун има опсег на стрелање од 7 до 300 km. Времето на распоредување на комплексот на новата позиција е до 15 минути. Растојанието на почетната позиција од брегот не е повеќе од 25 km.
Крстосувачката ракета Р-360 „Нептун“ има маса од 870 кг, со тежина на боева глава од 150 кг и брзина околу 900 км на час. Тој е способен да погоди цел на оддалеченост до 280 километри, а капацитетот на неговата боева глава е доволен да потоне брод со баласт до 5.000 тони.
Тоа всушност и го потврди борбеното дејствување и потопување на предводникот на руската црноморска флота крстосувач „Москва“.
Превод: Жорж Димовски
