Пред 36 години, на 26 април 1986 година, се случи најголемата технолошка катастрофа во историјата на човештвото – несреќата во АЕЦ Чернобилската. Денес го почитуваме споменот на хероите кои, по цена на сопствениот живот и здравје, го спасија човештвото од глобална нуклеарна катастрофа, велат од Украинското МНР.
Украина и светот направија титански напори за надминување на последиците од оваа катастрофа од невидени размери. Искрено ѝ благодариме на меѓународната заедница за солидарноста и сеопфатната помош, добиена, меѓу другото, во рамки на спроведувањето на договорите постигнати во Меморандумот за заемно разбирање за нуклеарната централа во Чернобил со Г7 земјите и Европската комисија од 1995 година.
Благодарение на активната работа на Владата и помошта од меѓународните партнери, постигнат е значителен напредок во спроведувањето на меѓународните проекти за деактивирање на нуклеарната централа Чернобил и изградба на New Safe Confinement („Арката“).
На 24 февруари 2022 година, меѓународната заедница по кој пат се убеди дека тоталитарните режими, каков што беше на Советскиот Сојуз и каков што е на Русија сега, претставуваат закана за светската нуклеарна безбедност. Игнорирајќи ги меѓународно признатите безбедносни принципи и барања, како и меѓународните обврски на самата Руска Федерација, како членка на Обединетите нации и МААЕ, руските вооружени сили започнаа цинична и брутална воена инвазија, со последователно заземање на територијата на зоната на исклучување и индустриската локација на АЕЦ Чернобил.
Заземањето на Чернобилската нуклеарна централа и окупацијата на најголемата нуклеарна централа во Европа АЕЦ Запорижја повторно го ставија светот во опасност од нуклеарна катастрофа.
Оваа опасност се уште е реална поради нерегулираните ракетни напади и бомбардирања кои ги остварува земјата агресор на територијата на Украина. Мора соодветно да се утврди степенот на штетата што ја предизвикаа руските војници на индустриската локација во АЕЦ Чернобил, а сторителите да бидат изведени пред лицето на правдата.
Убедени сме дека заедно со нашите сигурни пријатели и партнери ќе можеме да ги процениме сите последици од деструктивните дејствија на руската војска во објектот и да одлучиме за понатамошни чекори за нивно елиминирање.
Меѓународната заедница можеше јасно да види кој работи на зголемување на нивото на нуклеарна безбедност во Европа и светот, а кој неодговорно ги поткопува сите овие напори.
Украина е подготвена, без разлика на се, да постигне понатамошен заеднички успех со меѓународните партнери во надминување на последиците од катастрофата во Чернобил и спречување на нови нуклеарни катастрофи.
