Водечките руски пропагандисти пристигнуваат во окупираните територии во Украина, а во тек е и изработка на пропагандни видеа.
Во Мариупол, подготвувајќи се за Парадата на победата на 9 мај, локалните жители беа принудени да ги исчистат урнатините во замена за храна од страна на окупаторските руски власти. Сепак, ова важи само за оние кои останале во разурнатиот град, информираат украинските служби.
Илјадници жители на Мариупол беа насилно депортирани од руските сили во оддалечените региони како што е Далечниот Исток на Русија. Локалните власти ги сметаат депортираните украински граѓани како дополнителна работна сила.
Вреди да се напомене дека претставници на агенциите за спроведување на законот во Регионот Пенза, ги принуди локалните волонтери да престанат да им помагаат на депортираните Украинци, кои се соочуваа со значителни тешкотии. Наместо тоа, гувернерот на Пенза, Олех Мелниченко испрати 50 тони хуманитарна помош на окупираните територии на Украина Донбас.
Руската пропаганда се обидува да го подигне моралот на окупаторските сили со сите можни средства.
Во тој контекст, рускиот пропагандист Захар Прилепин објави порака упатена до претставниците на руската културна заедница, каде што ги повика да организираат таканаречени „Бригади на првата линија“ за „настапи меѓу руските трупи во Украина“. Тој се осврнува на добро познатата практика на таканаречената „Голема патриотска војна 1941-1945“. Прилепин изјави дека „во здрава земја секоја културна елитата не само што треба да се чувствува себеси на духовниот фронт, туку и да биде преместена таму, на овој фронт“.
Звучи чудно, но и покрај наводната широка официјална поддршка на руското население за војната во Украина, меѓу руските уметници, со ретки исклучоци, нема никој кој е подготвен да им се придружи на овие „Бригади на првата линија“.
Руската пропаганда измислува сè повеќе и повеќе апсурдни вести.
Конкретно, руската информативна агенција РИА Новости, лансираше нова лажна вест. Објавија дека „знаци на практикување црна магија биле пронајдени во штабот на украинските минофрлачи во селото Трехизбенка. Тие се обидоа да ги осветат пиштолите со крв“, се наведува во веста.
Изгледа дека нема „такви апсирдни височини“ што руските пропагандисти не би можеле да ги достигнат за да ја оправдаат агресијата врз Украина.
Ј. Ѓ.
