Окупаторите наивно веруваат – ако го префарбаат тактичкиот број на бродот, можеби тоа ќе го „спаси“ бродот од вооружените сили на Украина.
Изданието „Krym Realii“ објави фотографии направени од нивниот дописник на окупираниот Крим. На фотографијата се прикажани два големи десантни бродови од проектот 775, од кои на едниот можеме да видиме црвени „дамки“ од основната боја. Оригиналната публикација напиша дека овој брод наводно бил „оштетен“, иако немало видливи визуелни траги од надворешно оштетување. Ако погледнеме подобро, ќе видиме дека тие само се обидуваат бродот повторно да го обојат од темно сива во светло сива боја и во исто време да го прекријат тактичкиот број и така да го „замаскираат“ овој брод.
Ако погледнеме уште повнимателно, на предната страна може да се види нешто како „130“. Таков тактички број има големиот десантен брод на Балтичката флота на руската морнарица „Королев“, кој пристигна на окупираниот Крим во февруари 2022 година, непосредно пред почетокот на војната.
Со подеднаков успех, може да се претпостави дека русите можат да го подготват овој брод и за обид за нов десант и за работа на трасата слична на „Сирискиот експрес“ за војниците во опколениот Мариупол.
Првите извештаи дека русите ги прекриваат тактичките броеви на нивните бродови беа на почетокот на март 2022 година. Но факт е дека окупаторите сè уште веруваат дека ако го замаскираат тактичкиот број на бродовите тоа некако ќе ги спаси од вооружените сили на Украина.
Големиот десантен брод „Королев“ од Балтичката флота пристигнува во луката Тартус во Сирија под заштита на димна завеса, февруари 2022 година.
Превод: Жорж Димовски
