Русија продолжува со нападите во Северодоњецк. Според Генералштабот (ГШ) на вооружените сили на Украина, Русија се обидува да се зацврсти во центарот на Северодоњецк. Руската војска исто така користи артилерија за да ги нападне селата Видроженија, Новолуганск и Бахмут во Доњецката област. По одреден успех во областа, руските сили се обидуваат да ја обезбедат својата позиција во Видроженија, пренесува Kyiv Independent, според информации на ГШ на Украина.
Според Украинската Државна служба за вонредни состојби, пожарите предизвикани од руското гранатирање во текот на ноќта на 14 јуни во Харкивската област, оштетиле домови, магацини и камиони во три посебни заедници во областа. Две деца на возраст од 11 и 17 години се хоспитализирани.
Руски ракети насочени кон областа Одеса биле пресретнати од воздушната одбрана на Украина, соопшти Оперативната команда „Југ“. Гувернерот на Днепропетровската област Валентин Резниченко изјави дека Русија ја нападнала Днепропетровската област со ракетни фрлачи „Ураган“, оштетувајќи ги домовите на цивилите.
