Во близина на Буча беа пронајдени уште 7 тела на Украинци кои беа мачени од руските окупатори во март, соопшти министерството за одбрана (МО) на Украина.
#BuchaMassacre
Another 7 bodies of Ukrainians tortured by russian occupiers in March were found near Bucha.
Even two months after the de-occupation, new victims are being discovered.
Arm Ukraine. Let’s stop the russian killers.
Photo by Andrii Nebytov pic.twitter.com/lOKU6UCEwQ— Defence of Ukraine (@DefenceU) June 13, 2022
„И два месеци по деокупацијата се откриваат нови жртви. Наоружајте ја Украина. Да ги запреме руските убијци“, пишува во Твитот на Украинското МО.
Масакрот на цивилите во Буча, кој беше откриен откако руските сили се повлекоа од градот што се наоѓа недалеку од Киев, го шокираше светот. Објавени беа фотографии од масакрирани тела оставени на патот, а голем број очевидци изјавија дека тие биле убиени од руските сили за време на окупацијата.
Украинската главна обвинителка, Ирина Венедиктова, минатиот месец изјави дека нејзиниот тим идентификувал 10 лица за кои верува дека ги извршиле воените злосторства во Буча.
Во еден случај, според Венедиктова, руски војници влегле во дом во кој се криеле цивили и им се заканувале со оружје и ги тепале со пушки.
Исто така, минатиот месец, беше објавена снимка од безбедносни камери каде се гледа група од девет Украинци стуткани, подргрбавени, држејќи нешто на лицата, а некои со рацете ставени над главите, поминуваат улица. Двајца руски војници со пушки одат на предната и задната страна од групата и ја насочуваат. Дополнителните снимки од беспилотни летала до кои дојде „Тајмс“ ги потврдија изјавите на сведоците, прикажувајќи ги телата на групите покрај деловна зграда додека руски војници стојат над нив.
Во Буча беа убени и измачувани стотици украински граѓани, сè уште не се знае дефинитивниот биланс на жртви.
И. Т. З.
