Европската Комисија предлага на Украина да ѝ биде доделен статус на кандидат за членство во Европската Унија, пренесува МИА.
-Европската комисија предлага Украина да добие статус на кандидат за членство во ЕУ, изјави денеска претседателката на Европската комисија Урсула фон дер Лајен, додавајќи дека тоа значи дека Украина спроведува реформи.
Today, the @EU_Commission has adopted its Opinions on the membership applications of Ukraine, Moldova and Georgia, after assessing them against our rigorous standards ↓
https://t.co/BuBLz0Fbdt— Ursula von der Leyen (@vonderleyen) June 17, 2022
-Украина јасно ги покажа аспирациите и одлучноста на земјата да живее во согласност со европските вредности и стандарди, изјави таа во Брисел.
Таа наведе и дека Украина веќе применила околу 70 отсто од правилата на нормите и стандардите на ЕУ, но дека останува да се направи важна работа во областа на владеењето на правото, борбата против корупцијата и олигарсите и основните права.
– Процесот се заснова на заслуги, така што процесот целосно зависи од Украина, нагласи Лајен.
За време на нејзината изјава, фон дер Лајен носеше бои на Украина – жолто сако врз сина кошула.
Препораката на Европската комисија ќе биде разгледана од лидерите на 27-те земји-членки на самитот во Брисел следната недела.
За започнување пристапни преговори со една земја потребна е согласност од сите земји-членки на ЕУ.
Некои земји од ЕУ, вклучувајќи ги Холандија и Данска, се противат повеќе земји да добијат статус на кандидати за членство, но барањето на украинскиот претседател Володимир Зеленски доби поддршка од Франција, Германија, Италија и Романија, чии лидери го посетија Киев.
Според ДПА, ЕК предлага статус кандидат за во ЕУ и за Молдавија.
We also recommend to grant Moldova the candidate status, on the understanding that the country will carry out reforms.
⁰?? is on a real pro-reform, anti-corruption and European path.
⁰It still has a long way to go. But we believe it has the potential to live up to the criteria. pic.twitter.com/m7nEnGTbBY— Ursula von der Leyen (@vonderleyen) June 17, 2022
Украина аплицираше за членство откако Русија ја започна инвазијата врз земјата кон крајот на февруари. Потоа следуваа и барања за членство од Молдавија и Грузија.
