Украинската државна нуклеарна компанија Енергоатом денеска соопшти дека руските сили го гранатирале комплексот на нуклеарната централа Запорожје, што е под руска контрола од март, пренесува МИА.
Во соопштението на каналот Телеграм на компанијата се наведува дека руските војници во изминатите 24 часа повторно ја гранатирале територијата на нуклеарната централа и дека се проценува штетата .
Најголемата нуклеарна централа во Европа се наоѓа на југот на Украина на левиот брег на реките Дњепар.
Претходно денеска руското Министерство за одбрана ги обвини украинските сили дека во последните 24 часа трипати го гранатирале комплексот околу нуклеарната централа во Запорожје.
