Од руските сили, во Украина досега загинаа 379 деца, а повеќе од 735 беа повредени, според податоците дадени од Украинското Јавно обвинителство, пренесува Укринформ.
„Повеќе од 1.114 деца беа погодени во Украина како резултат на целосната вооружена агресија на Руската Федерација. Од утрото на 29 август 2022 година, официјалниот број на убиени деца не се промени во текот на изминатиот ден – 379. Бројот на ранети деца се зголеми – повеќе од 735“, се вели во соопштението објавено на Телеграм.
Се забележува дека овие бројки не се конечни, бидејќи се работи за области на активни воени дејствија, на привремено окупираните и ослободените територии.
Најголем број жртви, како што се наведува, се регистрирани во Доњецката област – 388, регионот Харкив – 202, регионот Кијив – 116, регионот Чернихив – 68, регионот на Миколаев – 67, регионот Луганск – 61, регионот Керсон – 55 и регионот Запорожје – 46.
Конкретно, на 28 август, две деца, на возраст од 3 и 6 години, беа повредени при руско гранатирање на станбената инфраструктура на градот Орихив во регионот Запорожје.
Покрај тоа, со редовни воздушни напади и гранатирање на цивилна инфраструктура и станбени области од страна на руските вооружени сили беа оштетени 2.328 образовни институции. Од кои 289 се целосно уништени, информираат од Украинското Јавно обвинителство.
Одделот објави информација од државниот портал Children of War, според која од 29 август 223 деца во Украина се сметаат за исчезнати, а 7.013 се депортирани. Истовремено, пронајдени се 5.114 деца, а вратени се 53.
Подготви: Ј. Ѓ.
