„Мицкоски има обврска да каже со кои фирми договарал набавка на јаглен од Индонезија? Ние можеме да увеземе нафта од други места, но не од Русија и други сателити на Русија“ изјави Оливер Андонов во емисијата на Васко Ефтов.
Андонов, кој ја води внатрепартиската иницијатива за промена на Христијан Мицкоски од лидерската позиција на ВМРО-ДПМНЕ исто така додаде дека актуелниот претседател на партијата е во постојана комуникација со Руската амбасада во Скопје.
„Има информации дека Мицкоски редовно комуницира со руска амбасада. А тие на членови на ВМРО-ДПМНЕ им зборуваат против Мицкоски и ги насочуваат кон Апасиев“ рече Андонов.
Тој додаде дека во мај 2017 остварил средба со претставници од амбасадата на која му било кажано дека се подготвени да им помогнат на ВМРО-ДПМНЕ за да не отстапат од власт.
„Имаше и втора средба, понудата беше одбиена. Никогаш не сум бил ничив шпиун, не па руски. Шест месеци подоцна, ноември 2017, после поразот на локалните избори, повторно седнав со Русите и ми кажаа дека веќе не давале поддршка на Груевски бидејќи политички бил мртов. Сфаќам дека не’ сработија Русите“ рече Андонов.
