Руските агенции за спроведување на законот почнаа да ги проверуваат про – Кремљ телеграм каналите кои објавуваат за војната на Русија во Украина за „дискредитирање“ на руската армија, ширење лажни вести и други забранети содржини, пренесува Медуза повикувајќи се на изданието Mash.
Според изданието, листата на медиумите кои се предмет на официјална проверка ги вклучува: Телеграм каналот на Игор Стрелков – поранешен министер за одбрана на анектираната ДНР, Семјон Пегов, новинар и креатор на проектот WarGonzo; Сергеј Мардан, радио водител на Комсомолскаја Правда, блогерите Јуриј Подољак, Владлен Татарски, Игор Дмитриев и Кристина Потупчик, и анонимните Телеграм канали GreyZone и Rybar, доскорешни поддржувачи на политиките на Путин,вклучително и војната во Украина.
Валери Герасимов, началник на Генералштабот на вооружените сили на Руската Федерација, лично побарал Роскомнадзор да ја следи содржината на овие канали на Телеграм. Канцеларијата на јавниот обвинител се приклучила на напорите, претставена од директорот на одделот кој ја надгледува федералната безбедност, меѓуетничките односи и борбата против екстремизмот и тероризмот.
„Причината се нивните критиките кон Министерството за одбрана и неговите одлуки за време на специјалната воена операција“, пренесува Медуза.
Утрото на 14 октомври, Телеграм каналот WarGonzo цитираше извори за известувањето за спроведување на законо меѓу кои и „список испратен одозгора на канали и новинари кои наводно ја дискредитираат специјалната воена операција и Министерството за одбрана“. Наводно на листата е и самиот WarGonzo.
Маргарита Симонјан, главен уредник на RT, еден од главните путинови пропагандисти, подоцна напиша:
„Во врска со објавите на воените блогери – мои пријатели, колеги и патриоти – за некои тврдења против нив од врвот, морам да забележам дека властите немаа прашања за нив во донесување на нивните одлуки“.
Телеграм каналите кои објавуваат информации за војната од неодамна објавуваат чести критики за руското Министерство за одбрана. Особено, повлекувањето на руската армија од Харков во септември наиде на широки критики.
Кабинетот на рускиот претседател редовно испраќа детални писмени инструкции до медиумите под државна контрола, кажувајќи им како точно да ги покриваат дневните настани во земјата. Но, при крајот на изминатите шест месеци од руската инвазија на Украина, пропагандните напори на Кремљ се сè повеќе критикувани од луѓе кои, наводно, донесуваат свои заклучоци од тие белешки – самите пропагандисти.
Еден од изворите на Медуза, кој е во медиумите под контрола на Кремљ, вели дека од почетокот на војната Кремљ не измислил ништо ново во однос на пропагандата и стратешката комуникација. Во обидот да се осврнат на војната, тие се потпираат на истите методи што некогаш ги користеа за објавување на вести за изборите и другите домашни настани.
„Навистина им е тешко“, рече изворот за воената пропаганда на Кремљ. „Не можеме да се спротивставиме на украинските медиуми. Не ги прикривате обезличените трупови на руски војници со тоа што „кажувате нешто позитивно“.
Извор: ЦивилМедиа
