„Кога веќе се кандидирате за градоначалник на Град Скопје, треба да знаете колкава тежина има функцијата. Тоа го повторува до градоначалничката Арсовска на секоја седница на која е присутна и сака да се јави за реплика“ изјави советничката во Град Скопје од СДСМ, Љубица Јанчева во „24 анализа“ на ТВ24.
Таа додаде дека Арсовска мора да сфати дека е градоначалничка на главен град и дека мора да ги реализира своите обврски.
„Недозволиво е, како претседателка на ЗЕЛС, одредени општини да имаат долг кон градот и да не го наплати тоа. Тоа е по основ на превоз на средношколци, станува збор за приградските општини. Зошто не ги каже поединечно кои се тие општини и да видиме колкава е таа обврска“ рече Јанчева.
Советничката објасни дека Владата нема никаков долг кон Град Скопје и ЈСП и дека обврската за бесплатниот превоз на учениците е реализирана целосно.
