Денес светот го одбележува Меѓународниот ден за прекинување на неказнивоста на злосторствата против новинарите.
Украинското МНР по повод Меѓународниот ден за прекинување на неказнивоста на злосторствата против новинарите истакнува дека во текот на осумте месеци агресија , Русија извршила 457 злосторства против новинари и медиуми во Украина
„Од 2014 година, војната на Русија против Украина е придружена со злосторства против новинарите и уништување на независното новинарство на привремено окупираните украински територии. Убиства и киднапирања на претставници на медиумите, апсења, заземање телевизиски кули, неосновани претреси во уредничките простории – само мал список на злосторства извршени од руските окупатори врз медиумите.
Од февруари 2022 година, во текот на осум месеци агресија од големи размери, Русија извршила 457 злосторства против новинари и медиуми во Украина, според податоците од мониторингот на Институтот за масовни информации. Заклучно со октомври, руските окупатори убија повеќе од четириесет украински и странски новинари.
Го забележуваме и алармантното влошување на состојбата со човековите права и слободата на говор во привремено окупираниот Крим. По окупацијата во 2014 година, кога независните новинари беа принудени да го напуштат полуостровот или беа уапсени, на полуостровот се развива феноменот на граѓанско новинарство. Обичните граѓани, ризикувајќи ги своите животи, се приклучуваат во покривањето на злосторствата на руските окупатори. Според информациите на бранителите на човекови права, во моментов 14 новинари, вклучително граѓани новинари, ги држат зад решетки на окупираниот Крим или на територијата на РФ.
Инвазијата на руските трупи стана нов рекорд на брутална репресија врз претставниците на регионалните медиуми: стотици медиуми на привремено окупираните територии беа принудени да прекинат со работа поради закани и неможност за вршење новинарски активности во услови на привремена окупација.
Украинските региони окупирани од Русија се систематски изолирани од украинскиот информативен простор, таму е блокирана украинската радиодифузија и работата на националните интернет оператори, наместо тоа, окупаторите емитуваат руски државни канали.
Русија, исто така, води активна информативна војна, ширејќи дезинформации за Украина, спроведувајќи специјални операции за дестабилизација на општеството и дискредитација на односите со меѓународните партнери.
Сега е клучно да се консолидираат заедничките напори за борба против руската пропаганда и дезинформациите, вклучително и по пат на прекинување на активностите на руските пропагандни радиодифузери во странство.
Во овој контекст, ја повикуваме меѓународната заедница да воведе и прошири санкции против руските медиуми кои шират лажни информации, вклучително и за оправдување на вооружената агресија на Русија против Украина.
Украина и нејзините партнери, исто така, ќе продолжат да вложуваат напори за истражаување на руските злосторства против новинарите во Украина и активностите на руските пропагандисти кои се вклучени во злосторни информативни операции како интегрална компонента на војната од големи размери против Украина. Виновниците за овие злосторства ќе бидат казнети на најстрога казна. Ја изразуваме нашата благодарност до илјадниците украински и меѓународни новинари кои, честопати ризикувајќи ги сопствените животи, му ја кажуваат на светот вистината за војната во Украина“, цоопштува украинското МНР.
Извор: Цивил Медиа
