Преземањето на Твитер од страна на Илон Маск продолжува да биде тема, а иднината не е јасна за една од највлијателните социјални мрежи во светот. Проблемите на Маск со Твитер едвај се завршени, а најновото дополнување на растечката листа на болни точки е можноста Apple и Google да го забранат Твитер од продавниците за апликации за iPhone и Android. Излегува дека тоа е всушност возбудлива можност, а причината нема никаква врска со цензурата. Наместо тоа, забраната на Твитер од Apple или Google може да доведе до тоа Илон Маск да создаде свој паметен телефон – Твитер телефон, пишува BGR.
Сосема очекувано, брзите промени кои Маск ги спроведе досега се покажаа како огромни неуспеси кои Твитер требаше веднаш да ги поправи.
Додека го прави тоа, Маск исто така бара да ги врати корисниците на Твитер на кои им беше забранет пристапот на платформата поради кршење на нејзините правила. Еден таков корисник е поранешниот претседател Доналд Трамп.
If Apple & Google boot Twitter from their app stores, @elonmusk should produce his own smartphone. Half the country would happily ditch the biased, snooping iPhone & Android. The man builds rockets to Mars, a silly little smartphone should be easy, right?
— Liz Wheeler (@Liz_Wheeler) November 25, 2022
Целата оваа акција поттикна дискусии за тоа дали Apple и Google би можеле да го отстранат Twitter од нивните продавници за апликации. Одговарајќи на ваквите шпекулации, Маск на Твитер изјави дека ќе направи алтернативен телефон за iPhone и Android доколку се случи тоа.
Прерано е да се зборува за забрана на Твитер од Apple или Google. Сè уште е нејасно дали Твитер ќе може да продолжи да функционира како компанија во догледна иднина, со оглед на масовните отпуштања, заминувања и повторените пречки што ги видовме во изминатите неколку недели.
Маск би можел спектакуларно да не успее во обидот да го донесе својот паметен телефон на пазарот. Како што видовме одново и одново во последно време, многу од полупромислените идеи на Маск беа спектакуларни неуспеси. И ако неодамнешните обиди на Амазон и Фејсбук нè научија нешто, конкуренцијата со Apple и Google е огромен предизвик.
Подготви: Ј. Ѓ.