Пратениците во Собранието утринава го изгласаа Предлог-законот за изменување и дополнување на Изборниот законик и Предлог-законот за неевидентирани лица во матичната книга на родени.
На барање на ДУИ, во последен момент во измените на законикот влезе и промената на гласачки места во Петтата и Шестата изборна единица, па така Дебар и Маврово-Ростуше од Шестата се селав во Петтата изборна единица.
Пред тоа, пратениците по повеќечасовна расправа ја разрешија техничката министерка за труд и социјална политика Рашела Мизрахи.
Се очекува до недела на пладне да бидат изгласани и Предлог-законот за јавно обвинителство и Советот на јавни обвинители, бидејќи тогаш е најавена седницата за распуштање на Собранието.
