Од почетокот на неделава отстранети се 45 кубни метри отпад од диви депонии во три скопски општини.
„Комунална хигиена“ денеска соопшти дека отпадот е подигнат од диви депонии во близина на „Македонска куќа“ во општина Карпош, на улицата „Славеј планина“ во општина Чаир, како и на повеќе локации во општина Кисела Вода.
Еко-патролата извршила надзор врз неколку микролокации на улицата „Петар Манџуков“ во скопската општина Бутел, каде е забележано континуирано непрописно одлагање отпад на јавни површини.
