Украинските сили во изминатите денови постигнаа „забележителен напредок“ против руските трупи во нивната јужна офанзива, соопшти денеска Белата куќа.
Запрашан за критиките дека јужната кампања на Киев против окупаторските руски сили не напредувала многу во последните три месеци, портпаролот на Белата куќа за национална безбедност Џон Кирби призна дека борбата одела побавно отколку што самата Украина се надевала.
„Во изминатите 72 часа има забележителен напредок на украинските вооружени сили на таа јужна линија“, изјави Кирби.
„Тие постигнаа одреден успех против таа втора линија на руска одбрана“, рече тој.
Во последните денови, анализите на западните бојни полиња покажаа дека украинските сили навлегуваат во руските линии на неколку километри меѓу Роботин и Вербове во регионот Запорожје.
Целта на Кијив е да напредува директно на југ до Азовското Море, отсекувајќи го рускиот копнен пристап до окупираниот Крим, јавија западни медиуми.
Извор: МИА
